نئے بلدیاتی نظام میں اقلیتوں کی مخصوص نشستیں ہوں گی ، کرسمس کی تقریب سے خطاب

پریس ریلیز

مسیحی برادری قابل احترام ہے، اقلیتوں کوہمیشہ ساتھ لے کر چلیں گے :عبدالعلیم خان

نئے بلدیاتی نظام میں اقلیتوں کی مخصوص نشستیں ہوں گی ، کرسمس کی تقریب سے خطاب

عبدالعلیم خان نے میاں میر کالونی میں سکول کا افتتاح کیا ، بشپ یعقوب پال کی شرکت

لاہور۔17دسمبر :۔۔( ) سینئر وزیر پنجاب عبدالعلیم خان نے کہا ہے کہ تمام اقلیتیں بالخصوص کرسچین کمیونٹی انتہائی قابل احترام ہے اور نئے پاکستان میں اقلیتوں کو ساتھ لے کر چلیں گے ،ان خیالات کا اظہار انہوں نے یہاں میاں میر کالونی میں کرسمس کے حوالے سے منعقد ہ تقریب سے خطاب کرتے ہوئے کیا ،اس موقع پر بشپ یعقوب پال ،سابق ممبران اسمبلی شعیب صدیقی اور آجاسم شریف ،پی ٹی آئی رہنماؤں طاہر الطاف اور پطرس صادق بھی موجود تھے جبکہ کرسمس کے حوالے سے مہمان خصوصی عبدالعلیم خان نے خصوصی کیک بھی کاٹا ،اپنے خطاب میں سینئر وزیر عبدالعلیم خان کا کہنا تھا کہ پنجاب کے نئے بلدیاتی نظام میں اقلیتوں کی مخصوص نشستیں ہوں گی ،انہوں نے کہا کہ تحریک پاکستان سے لے کر آج تک ملکی معاملات میں مسیحی بھائیوں کی خدمات لائق تحسین ہیں جنہوں نے نہ صرف ملکی سرحدوں کی حفاظت کیلئے اپنی جانیں قربان کیں بلکہ تعلیم ،صحت اور دیگر شعبوں میں بھی دن رات کام کر کے نام کمایا ،انہوں نے کہا کہ عمران خان کی جدوجہد کو ثمر آور کرنے میں بھی مسیحی بھائیوں کی جدوجہد پیش پیش ہے اور انشاء اللہ موجودہ حکومت انہیں ان کا جائز مقام ضرور دلوائے گی ،انہوں نے کرسچین کمیونٹی کو کرسمس کے موقع پر مبارکباد دی اور انہیں اپنے ہر ممکن تعاون کا یقین دلایا ، اس موقع پر آرمی پبلک سکول کے شہداء کی یاد میں ایک منٹ کی خاموشی اختیار کی گئی اور اُن کیلئے خصوصی دعا ہوئی۔

سینئر وزیر پنجاب عبدالعلیم خان نے میاں میر کالونی میں سی پی ایم سکول کا افتتاح بھی کیا ،انہوں نے علاقے کی ترقی اور بہتری کیلئے خصوصی اقدامات کا یقین دلاتے ہوئے کہا کہ بد قسمتی سے ماضی کی حکومت نے تعلیم اورصحت کو مکمل طور پر نظر انداز کیے رکھا اور صرف من پسند منصوبوں پر قومی خزانہ لٹایا ،سینئر وزیر عبدالعلیم خان نے میاں میر پنڈ اور اس سے ملحقہ علاقوں کے مسائل بغور سنے اور اُن پر ہمدردانہ غور کا وعدہ کیا ،اس موقع پر شہریوں کی بڑی تعداد نے سینئر وزیر کا شاندار استقبال کیا اور اُن کا علاقے کی ترقی میں ذاتی دلچسپی لینے پر شکریہ ادا کیا ،لیبر ونگ کے راجہ شہزاد اور سرور صاد ق کے علاوہ بشپ یعقوب پال نے بھی خطاب کیا اور علاقے کے لوگوں کی طرف سے عبدالعلیم خان کی کاوشوں کو سراہا ۔